ಸೋಲು, ಗೆಲುವು ಎಂಬುದು ಒಂದು ಸ್ಥಿತಿ, ನಾವು ಅದನ್ನು ಎಚ್ಚರಿಕೆಯಿಂದ ಸ್ವೀಕರಿಸುವ ಗುಣವನ್ನು ಬೆಳೆಸಿಕೊಳ್ಳಬೇಕು ಗೆದ್ದಾಗ ಸಂತೋಷ ಪಡುವ, ಸೋತಾಗ ಕೆಳಗುಂದುವ ಮನಸ್ಥಿತಿಯನ್ನು ಮೊದಲು ಬಿಡಬೇಕು, ಎರಡನ್ನು ಕೂಡ ನಾವು ಪ್ರೀತಿಸುವ ಮನಸ್ಥಿತಿಯನ್ನು ಬೆಳೆಸಿಕೊಳ್ಳಬೇಕು. ಗೆಲುವು ಇನ್ನೊಂದು ಗೆಲುವಿಗೆ ಸೋಪಾನವಾದರೆ, ಸೋಲು ಎಡವಿದ ದಾರಿಯನ್ನು ಎತ್ತಿ ತೋರಿಸಿ, ಇನ್ನೊಂದರ ಏಳ್ಗೆಗಾಗಿ ಶ್ರಮಿಸುತ್ತದೆ. ಸೋಲು-ಗೆಲುವು ಎರಡು ಶಾಶ್ವತವಾಗಿ ಇರುವ ಸ್ಥಿತಿಯಲ್ಲ, ಅಂತಹ ಶಾಶ್ವತವಲ್ಲದ ಸ್ಥಿತಿಗಾಗಿ ಸೋತ...
ಾಗ ನಾವು ಏನೋ ಕಳೆದುಕೊಂಡಂತಹ ಸ್ಥಿತಿ ನಿರ್ಮಾಣ ಮಾಡಿಕೊಂಡಲ್ಲಿ ನಮ್ಮ ಕಾಲವನ್ನು ಅದಕ್ಕಾಗಿ ವ್ಯಯ ಮಾಡಿದಂತಾಗುತ್ತದೆ, ಇಲ್ಲಿ ಕಾಲ ಮುಖ್ಯ ಅದರ ಸದ್ಬಳಕೆ ಮುಖ್ಯ, ಅದರರಿವು ನಮಗಾಗಬೇಕು ಅಷ್ಟೇ. ಯಾವುದೇ ಸ್ಥಿತಿಯನ್ನು ಸಮಾನ ಮನಸ್ಥಿತಿಯಲ್ಲಿ ಕೊಂಡೊಯ್ಯಬೇಕು. ಎಲ್ಲವನ್ನು ನಗುನಗುತ್ತಾ ಸ್ವೀಕರಿಸುವುದು ಮುಖ್ಯ. ನಾವು ನಮ್ಮ ಇನ್ನೆಷ್ಟು ಗೆಲುವು, ಇನ್ನೆಷ್ಟು ಸೋಲುಗಳನ್ನು ಎದುರುಗೊಳ್ಳಲು ಕಾರಣೀಭೂತರಾಗಬೇಕೋ ಗೊತ್ತಿಲ್ಲ... ಸೋತಾಗ ನಮ್ಮನ್ನು ನಾವು ಎಚ್ಚರದಿಂದ ಮುನ್ನೆಡೆಸುವ ಸ್ಥೈರ್ಯ ಬೆಳೆಸಿಕೊಳ್ಳಬೇಕು...
No comments:
Post a Comment