ಹುಡುಕುವಿಕೆ

ಹುಡುಕುತಿಹರು
ಹೊಸತನವನ್ನ
ಪ್ರೀತಿ, ಪ್ರೇಮ
ನಾನು ನನ್ನವರು
ಪರಿಧಿಗೂ ಮೀರಿದ
ಬದುಕು ಇದೆಯೇ
ಎಂದೂ...!!
ಆದರೆ, ಅರಿವು
ಸೀಮಿತದಲ್ಲಿದೆಯೋ
ಸಿಮಿತವೇ
ಬದುಕಾಗಿದೆಯೋ
ಜಿಜ್ಞಾಸೆಯಲ್ಲಿಹುದು
ಹುಡುಕುವವರು
ಹುಡುಕುತ್ತಿರುವವರು
ಹುಡುಕದೇ ಅದೇ
ಪರಿಧಿಯಲ್ಲಿ
ಸುತ್ತುತ್ತಿರುವವರು
ಗೊಂದಲದ ಬದುಕಿನ
ಗೋಜಿಗೆ ಅಂಟಿಕೊಂಡವರು
ಮಾಯೆಯೆಂಬ
ಮನದ ಜೊತೆ
ಓಡುತ್ತಿಹರು...!!!

ಭ್ರಮೆ

ಕಲಿತೆ ಎಂಬ ಭ್ರಮೆ
ಕಲಿಯುವ ಮನಸ್ಸಿಗೆ
ಕಡಿವಾಣವಿದ್ದಂತೆ
ಕಲಿಯುತ್ತಾ
ಕಲಿಸುತ್ತಾ
ಕಲಿತ ಸವಿಯನ್ನ
ಅನುಭವಿಸುತ್ತಾ
ಬದುಕನ್ನ
ಹಸನಾಗಿಸುತ್ತಾ
ಸೃಷ್ಟಿಯ ವೈಚಿತ್ರವ
ಸವಿಯುವವನೇ ಜಾಣ
ಅದರೊಳಗೆ
ಅಡಗಿಹುದು
ಅದೆಷ್ಟೋ ನಿಗೂಢಗಳು
ಒಂದಕ್ಕೊಂದು
ಬೆಸೆದುಕೊಂಡಿರುವುದು
ಬದುಕಿನ ಕೊಂಡಿ...!!

ಕಲರವ

ಪದಗಳ ಕಲರವ
ತಾ ಮುಂದು
ನಾ ಮುಂದು
ಹೆಕ್ಕಿಕೊಳ್ಳಲು
ಬಲು ಪ್ರಯಾಸ
ಒಂದರ ಹಿಂದೆ
ಒಂದರ ಜೋಡಣೆ
ಬಲು ಕಷ್ಟವಯ್ಯ
ಬರುವ ಪದಗಳು
ಒಮ್ಮೆಲೆ ನುಗ್ಗಿ ಬರುವ
ರಭಸಕ್ಕೆ ಸೋತು
ಬಲು ಪ್ರಯಾಸದ
ಸಾಲುಗಳ ಜೋಡಣೆ
ಜೋಡಣೆಯಲ್ಲಿ
ಒಂದೊಂದು ಬಾರಿ
ಅದ್ಬುತ ಜೋಡಣೆ
ಮತ್ತೊಂದು ಬಾರಿ
ನಿರಾಯಸ ಜೋಡಣೆ
ಎಲ್ಲವೂ
ನುಡಿಮುತ್ತುಗಳಾಗಲು
ಸಾಧ್ಯವೇ...!!!

ತೋಟ

ಬಯಕೆಗಳ ತೋಟದಲ್ಲಿ
ಎಲ್ಲೆಲ್ಲೂ
ಸುತ್ತುವ ಬಯಕೆ
ಕೆಲವೊಂದು ಕಡೆ
ಅಂಜಿಕೆ
ಕೆಲವೊಂದು ಕಡೆ
ಭಯ
ಅದಕ್ಕಿರುವ ಕಾರಣವೂ
ಸಮಾಜದ
ಕಟ್ಟುಪಾಡುಗಳು
ಒಮ್ಮೊಮ್ಮೆ
ಮನಸ್ಸಿಗೂ
ಅನ್ನಿಸುವುದುಂಟು
ಕಟ್ಟುಪಾಡುಗಳು
ಬೇಕಿತ್ತೇ...?
ಇಲ್ಲದಿದ್ದರೇ
ಬಯಕೆಗಳ ತೋಟಕ್ಕೆ
ನುಗ್ಗಿದ ಮನಸ್ಸಿಗೆ
ಕಡಿವಾಣ
ಎಲ್ಲಿರುತ್ತಿತ್ತು..!?

ನೋವು

ಅನ್ಯರಿಗೆ ನೋವು
ಕೊಡುವ ಮುನ್ನ
ಅನ್ಯರ ಮನಸ್ಸಿಗೆ
ನೋವಾಗುವ ಮುನ್ನ
ಅನ್ಯರ ಮೇಲೆ ದರ್ಪ
ತೋರಿಸುವ ಮುನ್ನ
ಒಮ್ಮೆ ಎಲ್ಲವನ್ನೂ
ತಾನು ಅನುಭವಿಸಿ,
ನಂತರವೂ ನಿನಗೆ
ಮನಸ್ಸಾದಲ್ಲಿ
ಮನಸ್ಸಿಲ್ಲದ
ದೇಹವಿದ್ದಂತೆ...!!!

ಮೋಹ

ಅರಿವಿಲ್ಲದೆ
ಮೋಸಹೋಗುವ
ಮನಸ್ಸು
ಅರಿವಿದ್ದರೂ
ಮೋಸಹೋಗುವ
ಮನಸ್ಸು
ಯಾಕೋ, ಏನೋ
ಒಂದು ಗೊತ್ತಿಲ್ಲ
ಅರಿವಿದ್ದರೇ
ಮೋಸ
ಹೋಗುವುದಿಲ್ಲವೆಂದು
ಹೇಳುವ
ಮಂದಿಯು ಕೂಡ
ಮೋಸ
ಹೋಗುವುದುಂಟು
ಇಲ್ಲಿ ಅರಿವಿನ
ಸಮಸ್ಯೆಯಲ್ಲ
ಮೋಹವೆಂಬ
ಮಾಯೆ
ಆವರಿಸಿದಾಗ
ಮೋಸ
ಹೋಗುವುದುಂಟು...!!!

ಮಾಯೆ

ನಾ, ನೀ, ಅವ
ಎಲ್ಲವೂ ಭ್ರಮೆಯೇ
ಭ್ರಮೆಯಂತೆ
ಕಾಣುವುದಿಲ್ಲಿ
ನಾನ್ಯಾರೋ
ನೀನ್ಯಾರೋ
ಅವನ್ಯಾರೋ
ಗೊತ್ತಿಲ್ಲ
ಹುಟ್ಟುವಾಗ
ಸಾಯುವಾಗ
ದೇಹಕ್ಕೆ ಅಂಟಿದ
ನಂಟು ಇದು,
ಹುಟ್ಟುವ
ಮುಂಚೆ ಇಲ್ಲದ
ವ್ಯಾಮೋಹ
ಹುಟ್ಟಿದಾಕ್ಷಣ
ಶುರುವಾಗುವುದಿಲ್ಲಿ
ಎಲ್ಲವೂ ಮಾಯವೋ
ಈ ಜಗದಲ್ಲಿ...!!!

ಭಿನ್ನತೆ

ನಿನ್ನ ಅಂತರಂಗದ
ಒಳಹೊಕ್ಕಲಾರೆ
ನಿನ್ನ ಭಾವನೆಗಳ
ಅರಿಯದಾದೆ
ನಿನ್ನ ಸುಖದುಃಖಗಳ
ಪರಿ ಎಂತೋ, ಏನೋ
ಅರಿಯದಾದೆ
ಅರಿಯುವ ಮನವಿದ್ದರೂ
ನಿನ್ನ ನನ್ನ ನಡುವಿನ
ಭಾವ ಬಂಧನವು
ಭಿನ್ನ ಭಿನ್ನವಾಗಿಹದಿಲ್ಲಿ

ತಾಣ

ಸುಂದರವಾದ
ತಾಣವಿದು
ನೋಡುವ
ಕಣ್ಣಿಗೆ
ವಿವಿಧತೆಯು

ಕಲ್ಪನೆಯ
ಮನಕ್ಕೆ
ಕಣ್ಣಿಗೆ ಕಂಡಿದ್ದು
ಹಲ ಚಿತ್ರ ವಿಚಿತ್ರ
ಕಲ್ಪನೆಗಳು

ಅಕ್ಷಯಪಾತ್ರೆಯಂತೆ
ಬರಿದಾಗದಿಲ್ಲಿ
ಎಲ್ಲವೂ ಮನ
ಬಯಸಿದಂತೆ
ಸಿಗುವುದಿಲ್ಲ

ತಾಣದಲ್ಲಿ
ಕಂಡಿದ್ದು
ನೋಡಿದ್ದು
ಎಲ್ಲವೂ ಒಬ್ಬೊಬ್ಬರಲ್ಲಿ
ಒಂದೊಂದು
ಬಗೆಯಲ್ಲಿವು...!!!

ಸುಖ

ಆರೋಗ್ಯವೇ
ಭಾಗ್ಯವೆನ್ನುವರು
ಕೆಲವರು
ಹಣವೇ
ಭಾಗ್ಯವೆನ್ನುವರು
ಇನ್ನಕೆಲವರು
ಭಾಗ್ಯವೆನ್ನುವುದು
ದೇಹಕ್ಕೊ
ಮನಸ್ಸಿಗೋ
ಗೊತ್ತಿಲ್ಲದ
ಮನುಷ್ಯ
ಆತ್ಮಸುಖದರಿವು
ಅರಿಯಲಾರದ
ಮೂರ್ಖನಂತಿಹನು!!

ಸತ್ಯ-ಸುಳ್ಳು

ಸತ್ಯ-
ಸುಳ್ಳಗಳೆರಡರ
ಫಲಾಫಲಗಳ
ಅನುಭವ
ಮನಸ್ಸಿನ
ಭಾವಗಳೊಂದಿಗೆ
ಮಿಲನವಾಗಿಹುದು
ಸತ್ಯಕ್ಕಿರುವ
ಗಟ್ಟಿತನ,
ಅಂಜಿಕೆಯಿಲ್ಲದ
ಭಾವ
ಸುಳ್ಳಿನಲ್ಲಿ
ಕಾಣ ಹೊರಟ
ಮನಸ್ಸಿಗೆ
ಸತ್ಯವೆಂಬ
ಭಾವ
ಸುಳ್ಳೆಂಬ
ಭಾವವನ್ನ
ನೋಡಿ
ಅಣಕಿಸುತಿಹುದು..!!!

ಬದುಕು

ಬದುಕು ಒಂದು ಪುಸ್ತಕವಿದ್ದಂತೆ
ಒಂದೊಂದು ದಿನ
ಒಂದೊಂದು ಪುಟವಿದ್ದಂತೆ
ಒಂದೊಂದು ಪುಸ್ತಕವು
ಒಂದೊಂದು ವರ್ಷವಿದ್ದಂತೆ
ಬದುಕಿದ ಹಲ ವರ್ಷಗಳು
ಹಲ ಪುಸ್ತಕಗಳ ಭಂಡಾರವಿದ್ದಂತೆ
ಕೆಲವೊಂದು ಪುಟ
ಮನಸ್ಸಿಗೆ ಇಷ್ಟವಾಗಬಹುದು
ಕೆಲವೊಂದು ಪುಟ
ಮನಸ್ಸಿಗೆ ಇಷ್ಟವಾಗದಿರಬಹುದು
ಕೆಲವೊಂದು ಪುಸ್ತಕ
ಬದುಕಿನ ದಿಕ್ಕನೇ ಬದಲಿಸಬಹುದು
ಕೆಲವೊಂದು ಪುಸ್ತಕ
ನಿರಾಯಾಸವಾದ ಬದುಕಾಗಿರಬಹುದು
ಬದುಕೇ ಹಾಗೆ
ಎಲ್ಲವೂ ಒಳ್ಳೆಯ
ಪುಸ್ತಕಗಳಾಗಿರುವುದಿಲ್ಲ
ಬದುಕಿದ ಒಳ್ಳೆಯ
ಪುಸ್ತಕದ ನೆನಪಿನೊಂದಿಗೆ
ಸಾಗುತ್ತಾ ಅದನ್ನ
ಹೆಕ್ಕುತ್ತಾ ಸಾಗುತ್ತದೆ
ಬದುಕು....!!!

ಮಧುರ

ನೀ ಇಟ್ಟ ನಂಬಿಕೆ
ನಿನ್ನೊಳಗಿರಲಿ
ನೀ ಇಟ್ಟ ಪ್ರೀತಿ
ನಿನ್ನೊಳಗಿರಲಿ
ನೀ ಇಟ್ಟ ವಿಶ್ವಾಸ
ನಿನ್ನೊಳಗಿರಲಿ
ನಂಬಿಕೆ, ಪ್ರೀತಿ, ವಿಶ್ವಾಸ
ಎಲ್ಲವೂ ನಿನ್ನೊಳಗಿದ್ದಾಗ
ಮಧುರವಾಗಿಹುದು
ಬಹಿರಂಗವಾದಲ್ಲಿ
ಮಧುರತೆಯ ಭಾವವು
ಕಿತ್ತ ಹೂವು
ಬಾಡಿದಂತಾಗುವುದು..!!

ಸುಖ

ಆರೋಗ್ಯವೇ
ಭಾಗ್ಯವೆನ್ನುವರು
ಕೆಲವರು
ಹಣವೇ
ಭಾಗ್ಯವೆನ್ನುವರು
ಇನ್ನಕೆಲವರು
ಭಾಗ್ಯವೆನ್ನುವುದು
ದೇಹಕ್ಕೊ
ಮನಸ್ಸಿಗೋ
ಗೊತ್ತಿಲ್ಲದ
ಮನುಷ್ಯ
ಆತ್ಮಸುಖದರಿವು
ಅರಿಯಲಾರದ
ಮೂರ್ಖನಂತಿಹನು!!

ಮಾತು-ಮೌನ

ನಿನ್ನ ಅಂತರಂಗದ
ಒಳಹೊಕ್ಕಲಾರೆ
ನಿನ್ನ ಭಾವನೆಗಳ
ಅರಿಯದಾದೆ
ನಿನ್ನ ಸುಖದುಃಖಗಳ
ಪರಿ ಎಂತೋ, ಏನೋ
ಅರಿಯದಾದೆ
ಅರಿಯುವ ಮನವಿದ್ದರೂ
ನಿನ್ನ ನನ್ನ ನಡುವಿನ
ಭಾವ ಬಂಧನವು
ಭಿನ್ನ ಭಿನ್ನವಾಗಿಹದಿಲ್ಲಿ

ಪ್ರೀತಿ

ನೀ ಬಿತ್ತ
ಪ್ರೀತಿಯ
ಸಂಕೋಲೆ
ಹೆಮ್ಮರವಾಗುವ
ಬದಲು
ಸಸಿಯಾಗಿಯು
ಚಿಗುರೊಡೆಯಲಿಲ್ಲ!!!
ನೈಜತೆಯಿಲ್ಲದ
ಪ್ರೀತಿಯ ಭಾವ
ತೋರಿಕೆಯೆಂಬ
ಭಾವದೊಂದಿಗೆ
ಮಿಲನವಾಗಿ
ಕುಸಿದು
ಬಿದ್ದಿಹುದಿಲ್ಲಿ...!!!