ನೆನಪು

ಜಾರಿ ಹೋದ
ಕಾಲದ
ನೆನಪು
ಅದರ
ನೆನಪಲ್ಲೇ
ಹೊಸ
ಹಾದಿಯ
ಹುಡುಕು
ಹುಡುಕುವ
ಮನಸ್ಸಿಗೆ
ಒಂದಿಷ್ಟು
ಆದರ್ಶಗಳು
ಒಂದಿಷ್ಟು
ಮೌಲ್ಯಗಳು
ಜೊತೆ
ಜೊತೆಯಲ್ಲಿ...!!!

ಅಹಂ

ಬದುಕೇ ಮಾಯೆಯೋ
ಮಾಯೆಯೇ ಬದುಕೋ
ಮಾನವ ನೋಡಲು ಒಂದೇ
ಬಗೆಯಾದರೂ
ಅಭಿರುಚಿಯಲ್ಲಿ ಭಿನ್ನ
ನಡೆತೆಯಲ್ಲಿ ಭಿನ್ನ
ಹೊಂದಾಣಿಕೆಯಲ್ಲಿಯೂ
ಭಿನ್ನವಾಗಿಹುದು...!!!

ಒಮ್ಮತವಿಲ್ಲದೆ ಎಷ್ಟೋ
ಒಳ್ಳೆಯ ನಿರ್ಣಯಗಳು
ಕಾಲಗರ್ಭದಲ್ಲಿ ಲೀನವಾಗಿಹುದಿಲ್ಲಿ
ಸರಿಕಂಡದ್ದನ್ನ ಒಪ್ಪುವ ಮನವಿಲ್ಲದೆ
ವ್ಯಕ್ತಿತ್ವವೆಂಬ ಪ್ರತಿಷ್ಠೆಯ ಕೂಸು
ಬಡವಾಗುವುದೆಂಬ
ಭಯ ಕಾಡುವುದು ಮನದಲ್ಲಿ...!!!

ಕಾಡಿದರೇ ಕಾಡಲಿ
ಒಪ್ಪಬಾರದೆ ಸರಿ ಕಂಡದ್ದನ್ನ
ನಾ, ನೀ, ಎಂಬ ಭಾವ
ಸೃಷ್ಟಿಯಲ್ಲಿ ಲೀನವಾಗುವ ಮುನ್ನ
ಬಿಡಬಾರದೆ 'ಅಹಂ'
ಎಂಬ ಭಾವವಾ?!

ಭಾವದರಿವು

ನೋವು ನಲಿವಿನ
ಚಕ್ರದೊಳಗೆ
ಸುತ್ತಿ ಬಂದಿರುವೆ
ವ್ಯತ್ಯಾಸವಿಲ್ಲವೇನೋ
ಇವರೆಡರ
ನಡುವಿನ
ಭಾವದಲ್ಲಿ
ನಲಿವು
ಉಲ್ಲಾಸದಿಂದಿಟ್ಟರೇ
ನೋವು
ಬದುಕಿನಾರ್ಥವ
ನೀಡುತ್ತಾ
ಸಾಗುತ್ತದೆ
ಅದಕ್ಯಾಕೋ ಮನ
ಸಮಸ್ಥಿತಿಯ
ಭಾವವಿಲ್ಲದೆ
ಹಿಗ್ಗುವುದು, ಕುಗ್ಗುವುದು
ಇವರೆಡರ ನಡುವಿನ
ವ್ಯತ್ಯಾಸದ
ಪ್ರತಿಫಲಗಳರಿವಾದಲ್ಲಿ
ಬದುಕು
ಹಸನಾಗುವುದಿಲ್ಲಿ...!!!

ಚೈತನ್ಯ

ಕಣ್ಣಾಲಿಗಳಲ್ಲಿ
ಹರಿದ ಹನಿ
ನೀರು
ಮಡುಗಟ್ಟಿದ
ನೋವುಗಳ
ಅನಾವರಣ
ದುರ್ಬಲವಾದ
ಮನಸ್ಸಿಗೆ
ಶಕ್ತಿ ತುಂಬಿ
ಹೊಸ
ಚೈತನ್ಯ
ಹೊಸ
ಹುರುಪಿನೊಂದಿಗೆ
ಒಡನಾಟಕ್ಕಾಗಿ
ಹಾತೊರೆಯುವ
ಮನಸ್ಸು
ಹೊಸದರ
ಹುಡುಕುವುದರೊಂದಿಗಿನ
ಮತ್ತದೇ
ಒಡನಾಟ...!!

ಅರಿವು

ಕೊನೆಯಿಲ್ಲದ
ಅರಿವು
ಅರಿತಷ್ಟು
ಮೊಗೆದಷ್ಟು
ಬತ್ತುವುದಿಲ್ಲ
ಅರಿಯುವುದರಲ್ಲಿ
ಇರಬಾರದು
ಆಯಾಸ
ಆದರೇಕೋ
ಕಾಡುವುದು
ಅರಿಯುವ
ಬತ್ತಳಿಕೆ
ಖಾಲಿಯಾದಂತೆ
ತುಡಿತವಿಲ್ಲದ
ಮನಕ್ಕೆ
ಅರಿಯುವ
ಅರಿತು
ಅದರಲ್ಲಿ
ಲೀನವಾಗುವ
ಕಾಳಜಿ
ಇಲ್ಲದಿರುವ
ಭಾವ
ಕಾಡುವುದು...!!!

ರಹಸ್ಯ

ಅರ್ಥವಾಗದ
ಬದುಕಿನ
ರಹಸ್ಯಗಳು
ಅರ್ಥವಾಗದ
ಮನುಷ್ಯರ
ಸ್ವಭಾವಗಳು
ಬದುಕಿಗಾಗಿ
ಅದೆಷ್ಟೋ
ಒಡಂಬಡಿಕೆಗಳೋ...
ತನ್ನೊಳಿತಿಗಾಗಿ
ನಡೆ-ನುಡಿಗಳಲ್ಲಿ
ಬದಲಾವಣೆಗಳೋ...
ಎಲ್ಲವೂ ಅರ್ಥವಾಗದೇ
ಹಾಗೆ ಉಳಿಯುವುದು
ಅದನ್ನರಿಯುವಷ್ಟರಲ್ಲಿ
ಕಾಲನ ಕರೆಯಲ್ಲಿ
ಲೀನವಾಗುವುದು..!!!

ಅಗಲಿಕೆ

ಬದುಕೆಂಬ ಮಾಯೆಯಲ್ಲಿ
ಅಗಲಿಕೆಯ ನೋವು
ಕಾಡುವುದು
ಅಲೆ ಅಲೆಯಾಗಿ
ಸಂಬಂಧಗಳ
ಒಡನಾಟದಲ್ಲಿ
ಕಳೆದ ಬದುಕಿನ
ಋತುಚಕ್ರದಲ್ಲಿ
ಬಿಗಿಯಾದ
ಸಂಬಂಧಗಳ
ಬಂಧನದಲ್ಲಿ
ಒಂದೊಂದು
ಕಳಚಿಕೊಂಡಾಗ
ಸಮುದ್ರದ
ಅಲೆ ಅಲೆಯಂತೆ
ಬಂದಪ್ಪಳಿಸುವುದು
ಅಪ್ಪಳಿಸಿದ ರಭಸಕ್ಕೆ
ತತ್ತರಿಸಿ ತಲ್ಲಣಿಸುವುದು
ಮನ..!!!

ದಾಹ

ನೀಡುವವನ
ಆಳದರಿವಿದ್ದರೇ
ನೀಡುವವನನ್ನೇ
ಬರಿದು ಮಾಡಿ
ಬಿಡುವ ಉತ್ಸಾಹ
ತುಂಬಿಹುದು
ಮನದಲ್ಲಿ
ಭರಿಸಲಾಗದಷ್ಟು,
ತೃಪ್ತಿ ಹೊಂದಲಾರದಷ್ಟು
ಕನಸುಗಳ
ಸಾಲು ಸಾಲು
ಒಂದೇ ಎರಡೇ
ತೃಪ್ತಿ ಇಲ್ಲದ
ಭಾವದೊಂದಿಗಿನ
ಒಡನಾಟ
ಏಕೋ, ಏನೋ
ಒಂದು ಗೊತ್ತಿಲ್ಲ
ಬೇಡ ಎನ್ನುವುದಕ್ಕಿಂತ
ಬೇಕು ಎನ್ನುವುದೇ
ಎದ್ದು ಬಂದು
ನಿಲ್ಲವುದು
ಮನದಿಂದ...!!!

ಈರ್ಷ್ಯೆ

ಈರ್ಷ್ಯೆ ಕಳಚಿ
ಬದುಕಬೇಕೆಂದಿರುವೆ
ನನ್ನಲ್ಲಿ ಇಲ್ಲದ್ದು
ಇತರರಲ್ಲಿ
ಕಂಡಾಗ
ಅದರ ಸವಿಯನ್ನ
ಸ್ವೀಕರಿಸಬೇಕೆಂದಿರುವೆ
ಬಣ್ಣ ಬಣ್ಣದ
ಕನಸುಗಳನೊತ್ತ
ಬದುಕಿನ ಚಿತ್ರಣವು
ವಿಭಿನ್ನವಾಗಿರುವ
ನೆಲೆಯಲ್ಲಿ
ನನ್ನತನವ
ನಾ ಹುಡುಕುತ್ತಾ
ಇತರರ ಭಾವವ
ಗೌರವಿಸುತ್ತಾ
ಬದುಕ
ಹಸನಾಗಿಸಬೇಕೆಂದಿರುವೆ
ಓ ಮನಸ್ಸೇ
ಸಹಕರಿಸಲಾರೆಯಾ?

ಭ್ರಮೆ

ಬಲ್ಲವರೆನ್ನುವರು
ನಾ ಎಲ್ಲ
ಬಲ್ಲನೆಂದೂ
ಎಲ್ಲವೂ ತಿಳಿದೆ
ಎಂಬ ಭ್ರಮೆ
ಆವರಿಸಿದಾಗ
ಮನಸ್ಸಿನ
ಸಹಜತೆಯನ್ನ
ಕಳೆದುಕೊಳ್ಳುವುದಿಲ್ಲಿ
ಕಲಿಯುವ
ಭಾವವಿರುವವರೆಗೂ
ಉಲ್ಲಾಸದಿಂದಿಹದು
ಮನ...!!!
ಕಲಿತೆ ಎಂಬ
ಭ್ರಮೆ ಆವರಿಸಿದಾಗ
ಸೀಮಿತ
ಪರದೆಯೊಳಗೆ
ಬಂಧಿಯಾಗಿಹುದು
ಮನ....!!!

ಅಂತರಾಳ

ನನ್ನ ನಾ
ಅರಿವ ಮುನ್ನ
ನನ್ನೊಳಗಿರುವ
ವಿಚಾರಗಳ ಆಳದ
ಅರಿವಾಗಲಿಲ್ಲ
ನಿಶ್ಶಬ್ಧತೆಯಲ್ಲಿ
ಹುಡುಕುತ್ತಾ
ಹೋದಷ್ಟು
ಅಲ್ಲಿಹುದು
ಬರಿದಾಗದ
ವಿಚಾರಗಳು
ಭುವಿಯ
ಆಳದಲ್ಲಿರುವ
ವಜ್ರ ಚಿನ್ನ,
ಬೆಳ್ಳಿ, ತಾಮ್ರಗಳಿಗೂ
ಮಿಗಿಲಾದಷ್ಟು
ವಿಚಾರಗಳು
ತುಂಬಿಹುದು
ಅದನ್ಹೆಕ್ಕುವ
ಕೆಲಸವಾಗಬೇಕಿಹುದು
ಮನದಾಳದಿಂದ...!!!

ಸಾವು

ಹುಟ್ಟಿನೊಂದಿಗೆ
ಗಂಟು ಕಟ್ಟಿಕೊಂಡಿಹುದು
ನಂಟು
ಹುಟ್ಟಿದಾಕ್ಷಣ
ಸಂಗಾತಿಯಂತೆ
ಬೆನ್ನಹಿಂದೆ
ಬೇಡವೆಂದರೂ
ಬೆಂಬತಿಹುದು
ಅದರರಿವಿದ್ದರೂ
ನಿರೀಕ್ಷೆಗಳ
ಸಾಗರದೊಳಗೆ
ತೇಲುವ
ಅದರೊಳಗೆ
ಕೊಚ್ಚಿಹೋಗುವ
ಬಯಕೆಗಳು
ಒಂದೇ ಎರಡೇ
ಲೆಕ್ಕವಿಲ್ಲದಷ್ಟು
ಕಟ್ಟಿಕೊಂಡ
ಬಯಕೆಗಳ
ಬೆನ್ನಹಿಂದೆಯೇ
ಸಾವು
ನೋಡಿ ನಗುತಿಹುದು!!!

ರೂಪಾಂತರ

ರೂಪಾಂತರವೇ
ಮಾಯೆಯಾಗಿ
ಕಾಣುತಿಹುದು
ರೂಪಾಂತರವೆಂಬ
ಮಾಯೆಯಲ್ಲಿ
ವಸ್ತುಗಳ ಬದಲಿ
ರೂಪವೇ ಹೊರತು
ಮತ್ತೇನು
ಹೊಸದಿಲ್ಲವೆನ್ನಿಸುತ್ತಾ
ಸಾಗುವುದು
ಸರಳವಾದ
ಬದುಕಿಗಾಗಿ
ಹಲ ಹಲ
ರೂಪಾಂತರ!
ಸಿಲುಕಿಕೊಂಡಿವೆವು
ನಾವು..?
ರೂಪಾಂತರವೆಂಬ
ಮಾಯೆಯಲ್ಲಿ...!!!

ಮಾಯೆ

ಅನಿವಾರ್ಯವಲ್ಲದ
ಬದುಕು
ಭುವಿಗೆ ಬಂದಾಗ
ಅರಿವಿಲ್ಲದ್ದು
ಹೊರಟು ನಿಂತಾಗ
ಅರಿವಿಲ್ಲದ್ದು
ಎಲ್ಲವೂ
ಒಂದು ಮಾಯೆಯೊ
ಮಾಯೆಯೆಂಬ
ಬದುಕೋ
ಅರಿವಿಲ್ಲದ ಮನ
ಅರಿಯುವ ಮುನ್ನ
ಮಣ್ಣಲ್ಲಿ ಮಣ್ಣಾಗಿ
ಹೋಗುವ ದೇಹ
ಅರಿತಿದ್ದು ಮಾತ್ರ
ಶೂನ್ಯವೆಂಬತಿಹುದು

ಕಾಲ

ಕಾಲಗರ್ಭದಲ್ಲಿ
ಸೇರುತಿಹುದು
ಘಟನಾವಳಿಗಳು
ಒಂದಷ್ಟು ಸವಿ
ಒಂದಷ್ಟು ಕಹಿ
ನೆನಪುಗಳು
ಘಟಿಸಿದ
ಘಟನಾವಳಿಗಳು
ಮಿಂಚಿ
ಮರೆಯಾಗುತಿಹುದು
ಹಳೆಯ
ನೆನಪುಗಳೊಂದಿಗೆ
ಹೊಸದರ
ಅರಸುವಿಕೆಯ ನಡುವೆ
ಬಂದಿದ್ದು, ಹೋಗಿದ್ದು
ಮಾತ್ರ ಘಟನೆಗಳು
ಕಾಲ ಮಾತ್ರ
ಯಾವುದರ ಪರಿವೇ
ಇಲ್ಲದೆ ಓಡುತಿಹುದು...!!!